劉青雲罕有大談與郭藹明夫妻愛情故事！首次約會竟被誤以為是借錢？澄清沒有不讓太太復出拍劇
影帝劉青雲與郭藹明向來是圈中的模範夫妻，二人結婚26年一直恩愛甜蜜。近日劉青雲亮相由鄭裕玲（Do姐）主持的YouTube頻道《The Do Show》，並罕有地公開與郭藹明的夫妻相處小趣事，言語間盡顯甜蜜！
劉青雲郭藹明首次約會竟被誤以為是借錢？
劉青雲在節目中表示，自己第一次看到郭藹明是在清水灣電視城一廠。當時他準備收工並路經錄影廠，此時看到鎂光燈打到台上的郭藹明，他直言「覺得好靚，有少少鍾意，但唔係當刻就認定咗佢。」
後來二人因合作劇集《大時代》而認識，拍攝期間就產生了愛意。後來劉青雲確認自己己愛上郭藹明，於是就開始展開追求行動。談到追求經過，劉青雲笑說：有一次我同朋友食飯，見到佢喺TVB做緊節目，我咪打電話去TVB化妝間搵佢，最有趣嘅係，我唔知化妝間係幾多號電話，但係同我一齊食飯嗰個人知，就係呢一下膽大反叛，咪叫佢出嚟食飯傾偈。」二人相約在尖沙咀見面，而當時郭藹明竟然以為劉青雲是找她借錢，「佢以為我想問佢借錢，因為成個格局似呀嘛，哈哈！我就同佢講︰『我好想見到你。』」而正正因為這一句話，二人就正式一起。
郭藹明令劉青雲脾性轉變
劉青雲稱與郭藹明一起後令其脾性有大轉變，例如以往可以因為拍戲而幾個月不致電給媽媽，但與郭藹明一起後便學懂要與對方溝通及理解，因為「唔係單純自己一個人」。
由於Do姐未跟郭藹明合作過，因而問劉青雲眼中的太太是怎樣，他大讚太太個性隨和，是一個值得信任的人，「她絕對不會『跣』我，完全係大家可以接受嘅一個人。」
澄清沒有不讓郭藹明復出
郭藹明在2006年開始淡出娛樂圈，之後便少有公開露面，被問到太太會否復出拍戲，劉青雲即說：「好多人以為我唔畀老婆出嚟拍戲，我點會唔畀佢拍！最好你去拍啦，男女平等，加上我覺得佢係演到戲嘅人，點解唔發揮下。」
劉青雲親揭愛逛街市原因
2012年劉青雲去街市買雞準備團年飯時被記者截停訪問，當時影片字幕稱呼劉青雲為「市民劉先生」，劉青雲更認真地以市民身份回答記者問題，盡顯貼地形象。而今次在節目中，劉青雲直指自己很享受去買餸，他表示：「我又唔覺得有咩問題，佢（指太太）挽著餸籃去街市買餸就可以，我挽著餸籃去街市買餸就唔可以？我覺得唔公平，我都可以。」