林盛斌台慶太興奮「鋤爆獎」　TVB：獎座為臨時仿製品

林盛斌（Bob）於1月4日在《萬千星輝頒獎典禮2025》獲頒「最佳男主持」時，因太過興奮「扑爆獎」成為全城熱話。對於有傳媒關注林盛斌當晚手上所持獎座孰真孰假，TVB向傳媒表示，部分情況下會採用仿製品作為頒獎時使用，「得獎者所獲頒的獎座均為臨時仿製品」。

TVB企業傳訊部向傳媒表示：「基於現場保安及安全等因素的考量，無綫一向在處理含有純金、鑽飾或寶石等貴重物料製成的獎項頒贈儀式時，部分情況下會採用仿製品作為頒獎時使用。其後，公司會將得獎者姓名鑄刻於真品上，並於完成製作後正式送交得獎者。昨晚舉行的《萬千星輝頒獎典禮2025》中，得獎者所獲頒的獎座均為臨時仿製品，主要用於現場拍攝及拍照等用途。其後，所有得獎者將會各自收到刻有其姓名的真品獎座，以作正式留念。」

Bob在社交平台分享「鋤爆獎」現場片段，寫道：「好多謝大家咁關心……我個獎。放心，台上面我鋤爆嗰個，只係Dummy，真實嗰個獎座遲啲係會寄返俾我同每一個得獎者嘅，不過我都會好好保存我呢個，好有紀念價值。睇返呢條片，我又真係亢奮咗少少，大力咗少少嘅。喺度要再一次感謝所有投票過俾我嘅觀眾同網友，係你哋令到我可以企上呢個頒獎典禮嘅舞台，亦都希望我講嘅得獎感受可以俾到大家多一點力量，好好去相信自己，好好去努力打拼，為自己爭一口氣。我承諾會繼續為大家發放多啲開心正能量，真正做到『最佳主持人』呢個咁重要嘅角色。多謝，感恩。」