張致恒平安夜遭調侃「記得戴套」　霸氣回應：識唔識避孕關你X事

藝人張致恒（Steven）與太太區燕雯（雯雯）結婚後四年抱四，即使曾陷經濟拮据，但仍然咬緊牙關落力搵錢或網上眾籌，誓要養活一家六口、工人姐姐和寵物，堅毅不屈的精神令人敬佩。

被喻為多锰公的他，適逢昨日（24日）平安夜他在社交平台貼上自己唱的聖誕歌，身為基督徒的他表示：「希望大家去玩嘅同時都紀念今日就係耶穌出世嘅日子，送畀大家11年前嘅福音歌聖誕夜」…基於外界一直指「平安夜，失身夜」，有網民留言：「今晚記得戴套。」張致恒亦很快回應：「結紮咗好耐喇喎，清朝返嚟呀你？」對方再說：「Btw 你唔識避孕，似你清朝返黎多啲」張致恒則霸氣回覆：「我識唔識避孕關你X事」。其後大批網民紛紛加入戰團調侃，張致恒只回：「耶穌祝福你」

其實，近月張致恒不時與網民互動回覆網民，不過有人就提到：「想玩真性情X網友嘅前提係有fans而且受歡迎，但你兩樣都無，唔會有人讚你夠real㗎放棄啦。」不過，張致恒就不甘示弱表示：「即係上網只可以畀人X？畀人網絡欺凌企喺度硬食？」關於張致恒所講的「結紮咗好耐喇喎」，其實他在兩年前確實已宣布結紮，曾發文表示：「好榮幸可以做到四個小朋友嘅爸爸，見到第四個仔出世…為咗未來一家六口嘅生活，經過深思熟慮嘅思考，我決定進行結紮手術，為頭家負上最大責任。」

東網網站 : https://on.cc/東網Facebook專頁 : https://www.facebook.com/onccnews/