點解另一半要cheat？

出軌、不忠、外遇、Cheating，呢啲名詞大家應該絕對唔陌生，就算自己無經歷過，身邊唔多唔少都有朋友試過出軌、或者被出軌。好多時我哋都會好想知究竟出軌嘅原因係乜嘢，尤其是當出軌嘅對象條件仲衰過正印，你就更加R爆頭不能理解。

吾係心理學家今日就會同大家探討一吓出軌有幾普遍，而出軌者嘅心理狀態又係點啦！

🧐 出軌究竟有幾普遍？

有研究發現，喺所有親密關係入面，至少出軌過一次嘅男人同女人都超過 50%。而喺已婚人士入面，有41%嘅已婚伴侶表示其中一方或雙方，曾經試過身體或精神出軌。

社會普遍認為男人出軌嘅機會一般高過女人。但有研究發現，原來當女人嘅社會經濟地位較高嘅時候，佢哋嘅出軌機會同樣較高。尤其當女人嘅教育程度高過男人，又或者老婆有工開而老公無工開嘅時候，女人就比較容易啲出軌。最近嘅研究甚至指出，隨住女性嘅社經地位提升，對性嘅睇法亦愈來愈自主之後，男女出軌邊個多啲嘅分別就已經唔再明顯啦！再講多樣值得令人深思嘅野比大家知，原來當婚外情被人戳穿之後，有 31% 嘅婚姻喺仍持續而無離到婚。🤯

🤔 點解另一半要出軌？

無數咁多嘅研究曾經分析過出軌嘅原因，結果五花八門，有好多唔同嘅因素。以下同大家先探討一啲最常聽到嘅理由：

1. 負面情感太多😣

研究發現，其中一種最多人提出令到佢哋出軌嘅原因，喺同伴侶失去左感情上嘅聯繫。最常提及嘅喺覺得不被伴侶欣賞、覺得好孤獨、悲傷，呢啲嘅負面情緒有機會化成會怒氣，如果無好好用其他正確方法去疏導、消解，久以久之就會失去愛嘅感覺，甚至乎有機會變成出軌嘅導火線。心理學家Robert Weiss認為自卑嘅人可能會透過出軌嚟建立自信，以彌補佢哋喺關係入面嘅不安感，同喺另一半身上得唔到嘅認同，希望透過出軌嚟證明自己的魅力，重新獲得被人重視嘅感覺。

2. 性生活唔滿意🥶

現實生活中，亦有部分嘅人出軌喺源於對性生活唔滿意。係人都知，激情無可能永遠維持到。面對住生活嘅大大小小問題，同彼此嘅熟悉程度日漸俱加，曾經嘅男神女神，都始終會變成凡人。激情嘅幻想、新鮮感都自自然咁降低。同時，嗰一種好驚比人發現，偷情而嚟嘅緊張感，有機會令出軌者產生錯誤嘅歸因，錯誤地以為嗰種令人心跳嘅感覺，喺出軌本身帶嚟嘅刺激感。

今次先同大家簡單介紹最常聽到嘅出軌兩大原因，想知多啲出軌嘅更深層理由，就要留意我哋下一個post 啦！🤓

🔍想知多啲，可以睇以下篇文：
Barta,WD, and SM Kiene. 2005. “Motivations for Infidelity in Heterosexual Dating Couples: The Role of Gender, Personality Differences, and Sociosexual Orientation.” Journal of Social and Personal Relationships 22(3):339-360.

          View this post on Instagram                      

A post shared by 吾係心理學家 Hi Psychologist! (@hkhipsychologist)