【胸大有腦】鄧月平想出解剖屍體小說？

擁有36F無敵上圍嘅鄧月平，因為家庭環境關係成日轉校，令佢養成多愁善感嘅性格同寡言，惟有我手寫我心，原來佢唔只身材勁，仲係才女一名喜歡寫作。

佢就喺社交網分享佢寫作之路，並留言：「經常要適應新環境嘅我，慢慢唔太喜歡講嘢。好多時，就係度自己寫嘢。自己發吽哣，自己陪自己。就係因為呢份孤獨同敏感，我愈寫愈多故事。落雨啦….就寫悲慘嘅愛情故事，今日社會比較沉重，就寫幻想力豐富啲嘅，但係我又好鍾意同閨蜜分享故事，或者當下諗到嘅嘢。每次分享既時機都係非常令人打冷震！我記得有一次，我搭港鐵。由九龍塘去觀塘，中途一直係度描述自己腦入面點變態咁解剖屍體，如果你哋當時係隔離，你定一定會比隔離人既反應笑爆肚，哈哈哈！」

唔少網民都話估唔多佢咁鍾意寫嘢，腦袋仲要咁多古靈精怪諗頭，仲叫佢寫多啲，期待佢可以出書。

東網網站 : https://on.cc/

東網Facebook專頁 : https://www.facebook.com/onccnews/