消息指麥巴比團隊已經開始同沙特球隊接觸希拉爾想同麥巴比簽兩年合約但麥巴比只願意簽一年咁樣做呢位法國前鋒可以2024年夏天免費加盟皇家馬德里

根據西班牙傳媒阿斯報消息，麥巴比團隊已經開始同沙特阿拉伯進行接觸，雙方討論緊關於麥巴比加盟希拉爾嘅事。沙特公共投資基金願意為咗今次轉會將會投放7億歐元，呢筆資金除咗比巴黎聖日耳門轉會之外，仲會比埋麥巴比人工😶

消息指巴黎聖日耳門希望透過今次轉會可以得到3億歐元，代表住麥巴比將會得到4億歐元。不過，麥巴比團隊希望爭取到更多利益，佢哋希望由4億歐元增加去到接近5億歐元，呢樣代表巴黎聖日耳門將會收到嘅轉會費只有2億歐元左右😶

消息指沙特阿拉伯嘅代表希望麥巴比可以同球隊簽約兩年，而球員最多只係想簽一年，咁樣麥巴比就可以係2024年夏天以自由身實現自己加盟皇馬嘅夢想🙂