政Whats噏：自詡愛閱讀　梁熙：每周睇4本

梁熙話自己每個禮拜起碼睇4本書。

城巿人生活忙碌，即使閱讀亦變成奢侈嘅事，議員梁熙雖然老早就踏出校門，但佢同某位前官員一樣自詡鍾意睇書，仲要每個禮拜起碼睇4本咁話。

然而一講到閱讀口味，梁熙就幫自己「兜」翻啦。既要應付議會工作，又要兼顧地區事務嘅梁熙，每個禮拜起碼睇4本「書」原來都係雜誌來嘅。不過佢就算係睇一啲比較嚴肅嘅作品，梁熙都談不上政界「蛀書蟲」，因為教育局前局長吳克儉曾講過自己每個月都會睇30本書，當中包括雜誌、刊物，仲話由大學畢業起就養成閲讀習慣，並已固化為生活嘅一部分，所以一個月睇30本係「濕濕碎」。一個月睇30本，除翻開每個禮拜大概睇7本左右，點計都係較梁熙要多。