明星古靈精怪工作被公開　「碧咸嫂」為搵食扮過跳舞精蟲？

歐美名人紅星未入行前為生計都做過唔少古怪嘅工作，其中一啲更「估都估唔到」，都係嗰句「搵食啫，犯法呀？！」

「碧咸嫂」扮精蟲跳舞

英國女星Victoria Beckham除了是碧咸（David Beckham）愛妻之外，上個世紀亦曾經係女子組合辣妹（Spice Girls）嘅主將。而原來曾幾何時Victoria都在英國一性教育電視節目《Body Matters》中踩住雪屐扮過跳舞精蟲。好可惜條片已失傳已冇得睇，未能一睹「碧咸嫂」未紅時嘅精彩演出。

美瑾霍絲扮「蕉」吸客？！

憑《變形金剛》（Transformers）一片上位嘅美國性感女星美瑾霍絲（Megan Fox），佢後生嗰陣都有份古怪嘅工，就係喺佛羅里達州專賣沙冰飲品嘅鋪頭門前扮「香蕉」嚟吸客。而「荷里活男神」畢彼特（Brad Pitt）原來亦做過「雞」，佢曾經喺美國一間名為「瘋狂烤雞」（El Pollo Loco）嘅炸雞連鎖店外扮「雞」宣傳，仲係負責向途人同駛過嘅司機揮手打招呼，認真無聊！

金像影帝馬修麥康納希清潔雞棚

奧斯卡金像影帝馬修麥康納希（Matthew McConaughey）未紅時亦做過唔少工，不過最令佢留下深刻印象就係求學時期曾經喺澳洲做過海外交換生，佢為搵外快而曾經喺當地嘅雞棚做清潔工作。

奧蘭度布林射靶場工

荷里活靚仔男星奧蘭度布林（Orlando Bloom）未入行前亦轉過好多份不穩定嘅工作，佢曾經喺英國一個射靶場工作，佢份工好簡單就係將一啲泥碟放入機器然後彈出嚟畀參加者射。

東網網站 : https://on.cc/東網Facebook專頁 : https://www.facebook.com/onccnews/