陳慧嫻深圳開騷 四面台震撼全場 Fans合唱《歸來吧》激動爆喊

陳慧嫻《The Fabulous 40巡回演唱會》深圳站，日前於深圳灣體育中心春繭體育館開鑼，演唱會以「花期」為主題，慧嫻以歌聲帶Fans回顧自己40年音樂生涯，四面台的舞台設計，逼爆整個可容納過萬人的場館，氣氛熱烈。

演唱會的高潮，是慧嫻唱出經典金曲《歸來吧》，當前奏音樂一響起，全場自動進入大合唱mode，聲浪震爆體育館！有觀眾邊唱邊喊，完騷後還激動說：「咁多年過去，把聲依然咁靚，呢場演唱會好似時光機，將我嘅青春全部帶返嚟！」深圳站完美落幕，陳慧嫻已準備繼續征戰，接着會到上海、成都、東莞和北京演出，各地粉絲聽到消息即磨拳擦掌：「一定要搶飛，唔可以錯過！」

（即時娛樂）