鄭裕玲讚揚香港基建鼓勵同學把握AI機遇發展潛能

鄭裕玲認為新一代要運用新科技去學習得更快更多更精準。（大會提供）

鄭裕玲（Do姐）以神秘嘉賓身分出席《學與教博覽2025》時，對學生與AI建築師之間的對戰十分好奇。她認為新一代要運用新科技去學習得更快更多更精準：「好開心見到同學仔贏咗AI建築師，用基建教學生真係好創新，AI可以係磨練自己的對手，亦都可以係好幫手。好似今次同學仔運用AI幫手改善同實現自己嘅創作，就係一個好例子，希望大家可以喺生活各方面都好好運用AI。」

作為香港以至亞太娛樂圈頂級人物，Do姐對香港基建讚不絕口︰「我去過世界各地，香港嘅基建級數喺全世界嚟講真係數一數二。透過今次展覽真係溫故知新，了解到更多。大家票選出嚟嘅8個基建獎項得主都係我心水，特別好似香港國際機場、港珠澳大橋等，我每次經過都仲係覺得好靚好震撼。」她認為發展局與建造業以推動基建與教育融合的角度舉行展覽是個重大突破：「近年睇到不同社會嘅發展，無論咩界別，首要重內容、思考，好似建造業及教育界咁Crossover，變啲新嘢出嚟，咁先至行得遠，所以呢一個『基建 x 教育』project我都好欣賞，最緊要學生學到嘢！」