金像獎｜谷德昭孖岑珈其頒最佳剪接：攞景兼贈興？

谷德昭和岑珈其今晚（27日）負責頒發最佳剪接獎，2人湊巧在電影《破‧地獄》被剪走，到加場版才再出現。

谷：今晚大會搵我哋嚟頒呢個獎，係攞景兼贈興？

岑：因為我哋喺史上最高票房嘅港產片（《破‧地獄》），畀人剪走晒﹗

谷：我仲刮緊導演（陳茂賢），撐拐杖都要嚟，趁人少少，點解咁好都剪走呢？

岑：剪緊啲好睇啲。（谷：加場版又加番我哋落去？）知衰囉﹗票房告急，得個1.6億。

谷：一早擺埋我哋落去，收20億啦

岑：啱呀，歡迎咁多位導演，繼續搵我哋拍嘢，剪走晒唔緊要，最緊要有加場版。

最後由《九龍城寨之圍城》的張嘉輝膺最佳剪接獎。

（即時娛樂）