黃子華Do姐合體重現《男親女愛》CP 投資拍戲蝕錢呻笨專心做演員

鄭裕玲（Do姐）和黃子華當年因劇集《男親女愛》而成為經典劇集情侶，繼3年前兩人在鄭詩君（C君）婚禮重遇後，近日子華神為賀歲片《飯戲攻心》宣傳，與導演陳詠燊（Sunny）一同接受Do姐主持的電台節目《口水多過浪花》訪問，兩人自拍劇以來，22年後「余樂天」和「Miss Mo」再重聚，令人勾起不少回憶。

Do姐問子華為何今次只參與演出；沒有投資做老闆，他苦笑謂：「上次自己做老闆嘅《乜代宗師》雖然票房過三千萬，但部戲拍得好貴，蝕咗好多錢，發覺自己做老闆真係搵笨，所以今次都係做返演員好啲。」Do姐踢爆當年與子華拍劇時，他不時大量改劇本對白，Do姐算舊賬妙問他今時今日有否仍繼續這習慣？子華妙答：「我今次以舞台劇演員心態去演呢部戲，所有收到嘅劇本我都當係莎士比亞的劇本，試問你又點會去改沙翁嘅劇本呢？」

子華透露沒戲開的日子會保健身體，閒時睇醫生調理身子、多做運動，有次看醫生還遇到Do姐另一好拍檔周潤發。提到發哥，Do姐問子華可有跟發哥跑步，他坦言發哥起身做運動的時間，自己才開始作息，不過那次在醫館撞到發哥，子華覺得不可思議的說：「發哥又真係好熱心教我跑步，仲要喺人來人往嘅電梯大堂，講足十分鐘，好有心，毫無架子。」Do姐順勢託子華下次撞到發哥幫她帶句話，邀請發哥上她的節目，子華對Do姐的要求承諾無問題，但卻不知下次幾時會撞到發哥！

立即下載 | 全新《星島頭條》APP : https://bit.ly/3yLrgYZ