大灣區視帝黃宗澤生圖曝光　網友激讚：Nice又靚仔

「大灣區視帝」黃宗澤近年喺內地事業發展得有聲有色，人有高踞不下嘅佢，舉手投足都備受關注。而日前，就有網友喺社交網透露，自己嚟香港旅行時野生捕獲到視帝黃宗澤，並開心晒出2人嘅合照。

網友喺社交網分享道：「黃宗澤真的太帥了！今天運氣太好了！從上海飛去香港，值得！」表示可以偶遇到男神黃宗澤係非常幸運嘅一件事外，仲大讚黃宗澤真人玉樹臨風，靚仔到不得了！而相中嘅黃宗澤，一身潮爆打扮亦異常搶Fo，引嚟網友留言道：「這個包真是個顯眼包。」之餘，亦有網友表示唔識欣賞佢嘅衣着品味。事實上，近期頻頻曝光嘅黃宗澤，連日來都係孭住呢個袋，早前飛抵南京機場時都係孭住呢個袋，當時就有網友讚佢夠潮夠破格。

東網網站 : https://on.cc/東網Facebook專頁 : https://www.facebook.com/onccnews/