梁芷珮結婚22周年紀念　嬲爆老公掛住買六合彩

昨日（21日）大年初五迎財神，六合彩兩億新春金多寶頭獎5注中，每注派逾4,200萬元。開彩前，不少市民到投注站撞運氣，望一夜發達！而昨日亦是「旅遊達人」梁芷珮結婚22周年的大日子，但她就在社交平台發文「投訴」老公只顧住買六合彩！

她在社交網分享與老公的對話：「今朝起身，我等緊老公同我講句『Happy 22th Anniversary』，點知，佢嘅第一句係：『買咗六合彩未』？我：🤬🤬🤬🤬（我心唸，算…結婚周年唔好嬲…）我再問：咁喺邊度食飯？老公：中環吖！（我心諗，算你啦，中環啲餐廳應該唔太差）我：邊間？老公：求其一間喺士丹利街附近，近投注站買六合彩！

我：見圖👆🏻快啲make me happy先會同你講happy anniversary!😤」

現年43歲的梁芷珮（Christy）與老公Kenneth結婚多年，育有兩子一女，一家五口幸福美滿。梁芷珮同老公夫妻檔拍住上成為旅遊KOL，經常孖住周遊列國為大家介紹好去處，近年更憑主持TVB旅遊節目《潮什麼》系列而大受歡迎，實行寓工作於娛樂，形象正面的她更獲不少廣告商垂青，有傳單單是廣告收入已過百萬！

東網網站 : https://on.cc/東網Facebook專頁 : https://www.facebook.com/onccnews/