「劍擊大師兄」張小倫做爸爸　兒子手長腳長約9磅重

前港隊劍擊運動員、有「劍擊大師兄」之稱的張小倫，於2019年迎娶相戀7年的女友Natalie，今年10月公佈即將做爸爸，今日（12月22日）下午他在社交平台上載多張太太的孕照和新生BB的照片，宣布已榮升人父。張小倫透露，兒子Miles，「體重去到差唔多九磅，同我一樣手長腳長。」

張小倫在社文平台多張照片，並撰文分享喜悅心情：「轉眼間由隔住老婆個肚踢我，到真正感受到佢嘅活力，BB瞬間就已經岀世來到我嘅懷抱。由於我個仔Miles太大隻嘅原因，醫生提前預產期一星期就要叫老婆入醫院催生，點知催左（咗）三日佢都唔肯出嚟，最後醫生都係決定開刀將佢掹出嚟，體重去到差唔多九磅，同我一樣手長腳長。」

張小倫大讚每一位媽媽都是真正冠軍：「生BB真係好似打一場激烈比賽，過程充滿着變數，係產房聽到BB喊聲嗰刻，真係忍唔住喊咗出嚟。所以，生小孩不是單純的疼痛，而是一場需要勇氣、耐力和智慧的比賽。每一位媽媽都是真正的冠軍。辛苦晒老婆Love you。希望Bb健康快樂成長，同佢嘅英文名意思一樣，可以勇敢面對呢個世界。趁BB出世前仲搵左（咗）@kaylaistudio 影左（咗）輯靚相 thank you so much。#多謝瑪麗醫院所有醫生護士嘅照顧 #MilesCheung」

現年40歲的張小倫，2010年起代表香港參加亞運會劍擊比賽，並奪得個人和團體獎牌，2014年，張小倫代表香港參加南韓仁川亞運會，與張家朗、楊子加和崔浩然合作贏得男子花劍團體賽銅牌。在失落2012年和2016奧運資格後，張小倫一度萌生退意，但他在2018年亞洲錦標賽，於個人賽及團體賽披金戴銀，最後選擇留隊。2021年，張小倫終於踏上奧運舞台，在東京奧運男子花劍個人賽64強止步、團體賽則獲得第七名。