女子歐聯分組賽 11月20日01:45

聽晚深夜1:45分女子歐聯分組賽，有曼聯女足作客挑戰禾夫斯堡女足，呢場都係含金量十足嘅「國家級」對決，絕對值得球迷捱眼瞓捧場！

1️⃣ 11月20日 01:45 禾夫斯堡女足 vs 曼聯女足

德甲勁旅禾夫斯堡上一輪歐聯作客法甲霸主里昂，踢得相當辛苦，最終以1:3落敗。球隊上半場初段防線唔集中，25、30分鐘被希加寶連下兩城，72分鐘再輸十二碼被雲迪·拿拉開。雖然比倫斯甸喺80分鐘追返一球，但全場數據慘淡，射正只得1次，角球更加係零。呢場敗仗反映出球隊面對高強度壓迫時，後場出波太急，處理長傳弱側同防守亦經常失位。

而曼聯女足上一輪聯賽作客「曼市打吡」，同樣慘吞三蛋，以0:3不敵曼城。紅魔喺上半場中後段崩盤，26分鐘先被列碧嘉基拿接應角球二傳頂入，半場前再被卡迪查梳亞同羅倫軒普連入兩球。雖然門將柏度有幾次撲救，但球隊喺禁區制空權同弱側保護上完全失守，半場已經大勢已去。

雖然兩隊近況都麻麻，但論歐戰經驗同整體質素，禾夫斯堡主場依然秤先。對位上，禾夫斯堡嘅邊路球員如祖爾布蘭特擅長內切，將會持續考驗曼聯兩閘身後嘅空位。曼聯要搶分，就要靠杜恩同巴克嘅串連加快轉邊，並加強死球搶點。預計禾夫斯堡會主動搶攻，曼聯伺機打反擊。

阿Lo推介：全場讓球 禾夫斯堡 (0)平手盤

入場及投注人士須年滿十八歲，切勿沉迷賭博。

港新聞Instagram：https://www.instagram.com/kong.news/
港新聞Threads : https://www.threads.net/@kong.news