洪欣拍廣告爆金句自抽　親自演繹「我真係恭喜你」

53歲的洪欣雖兒子張鎬濂已長大入行，但她仍保養得宜，近日更接拍廣告，展露凍齡美顏，但廣告中的一句對白，卻引起網民注意。

網上多年來流傳一段49秒男女電話對話錄音，當中女子爆粗對男子表達不滿。對話中，女子曾說一句：「我真係恭喜你呀，簽咗個洪欣咁蠢嘅X女人返去」、「快X啲捧紅佢」。有傳錄音中的女子是李嘉欣，男子則是富商劉鑾雄（大劉），洪欣亦因此被捲入事件。該段錄音在網上廣傳，「我真係恭喜你呀」更成為網絡金句。

洪欣在新拍攝的頭髮護理中心廣告中，第一句對白就說到：「用錯頭髮護理用品？我真係唔知恭唔恭喜你」，攞明自己抽自己水。

得到洪欣親自演繹，網民即時熱烈討論，表示這是「香港人集體回憶」，又稱「依間公司真係簽咗洪欣返嚟」、「究竟用幾多錢說服佢講呢句對白？」、「唔爭在回應埋『X女人』啦」更有人提議該公司請事件中另一女主加入拍攝：「李嘉欣如果肯玩先至爆，and 加多句『駛對啲頭髮咁好哦可』、 『你對啲頭髮唔好咩』」。