F奶夏筠婷遭AI換臉成不雅片主角　狂收騷擾訊息怒提告

有「最美CEO」美名嘅台灣網紅夏筠婷，樣靚身材正嘅佢同時亦憑一副F Cup傲人上圍搶盡眼球，不過日前就被人用AI惡意換臉，成為不雅片主角兼喺網絡瘋傳，甚至連電話號碼都被人惡意公開，令佢不斷收到騷擾訊息，對此佢亦透過社交網表示自己已經搵咗律師團搜證提告：「只要散布給他人即涉及刑事責任，請勿以身試法。」

此外，夏筠婷亦喺限時動態晒出騷擾訊息道：「看到很多女生一樣受害卻無力處理，目前努力撐住，你很有可能會害死一個女生，成為最大的加害者。」並表示因為今次鼓起勇氣發聲，先知原來相關情形唔止剩係發生喺佢一個人身上，並直言冇任何女性可以被咁樣對待；另外，被公開電話號碼嘅佢同時被人冒用身份到處向餐廳訂位，對此佢亦先係向受影響店家道歉，並希望大家可以幫忙分享，幫助受影響店家取消相關訂位避免不必要損失：「我目前到六月底都沒有用自己的名字訂餐廳，都用助理的。已辦新電話，之後再發給廠商。」

東網網站 : https://on.cc/東網Facebook專頁 : https://www.facebook.com/onccnews/