亞視杜挺豪加拿大近照曝光　送瓜賀老婆黃璦瑤生日？

曾參選亞視舉辦的「香港男士競選」奪得亞軍而入行杜挺豪 (Derek) ，早年移居加拿大展開新生活，曾係亞視力捧小生嘅佢，與同係亞視藝員嘅老婆黃璦瑤於2011年離開亞視後移居加拿大生活，到當地繼續演藝工作，出任加拿大中文電台DJ及電視擔任節目主持，一家人甚少回港，對上一次已經係2018年出席老友陳展鵬婚禮。

現年48歲嘅杜挺豪喺加拿大過住簡單生活，日前Derek於社交網賀老婆生日，身穿T恤牛仔褲嘅佢手持一長一短兩大碌瓜擺出搞鬼甫士，留言問老婆：「Happy birthday Oi Yiu , which one you prefer？」你想要邊條瓜？佢仲晒出一家三口靚相，平時有做開運動嘅佢恍惚老定咗，多年來keep住童顏，而已經12歲嘅仔仔都遺傳了兩人優良基因，青靚白淨好靚仔。

東網網站 : https://on.cc/東網Facebook專頁 : https://www.facebook.com/onccnews/