網上熱話｜港男為慳錢嗌足1個月麥當勞外賣 網民憑1點反駁：有錢人先咁食！

香港的物價出名高昂，有時想慳錢的話就要做啲犧牲，例如食啲價格較便宜的餐點。早前，一位港男就在討論區發文，揚言為了慳錢已經連續食了1個月麥當勞外賣，更大方分享部分餐點照片。惟有網民就質疑他的行為到底是否真係慳到錢，引來大批網民留言反駁和攻擊他的行為無理。

港男為慳錢 嗌足1個月麥當勞外賣

這位港男在討論區以「為咗慳錢叫咗一個月M記外賣」為題發文，劈頭直接問「為左慳錢可以去到幾盡」，揚言為慳錢「已經連續食左一個月M記宵夜/早餐」，更上傳部分餐點照片，供一眾網民參考。

網民拆解餐點價錢

從他上傳的照片，可見每餐麥當勞宵夜和早餐都十分豐盛，較常出現的餐點分別是「板燒雞腿扭扭粉餐」、「熱香餅早晨全餐」、「脆香雞翼餐」等，主要透過外賣平台下單，並非親身去購買。有人主動拆解這些餐點的價錢，表示按照這個外賣平台的資料，「板燒雞腿扭扭粉」早餐外賣價錢高達$86至$91不等，而宵夜一人餐更索價$123.5，絕非平價套餐。

留言反駁發文者行為無理

發文者稱為慳錢才餐餐食麥當勞外賣，但價錢卻非低廉，有網民質疑「真係慳錢只會行落樓去買20蚊同30蚊餐而唔會用呢個價錢咁樣嗌呢D餐」、「真係慳錢係食$10麵包」、「30蚊兩餸飯都唔嗌學人講慳錢」，亦有網民指發文者的慳錢方法十分不健康，「你真係仲有命食到6月？」、「相信樓豬已經滿面暗瘡，體臭強勁，行路開始上氣唔接下氣」。

原文刊登於 AM730

睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)