素海霖預告旺角舉行Haters見面會　點名網民現身：驚到離開香港

香港AV女優素海霖(繪麗奈)一向話題性高，不過有粉絲之餘亦有Haters，不時在她的帖文中留言謾罵。而昨晚素海霖就在IG出片出文，預等今個周六(10日)將會在旺角舉行「與haters們面談活動」，更會在YouTube頻道「thisisshl素小姐」進行直播，更加寫下多位網民名字，希望他們可以現身現場鬧。

素海霖留言指歡迎任何人到場，會現場送兩名fans官方雨傘，之後亦點名邀請多位網民：「只係以上人仕特別多意見同諗法，故特別邀請。大家要守秩序，同埋唔好有任何威嚇性、侮辱性或挑撥性的行為，同唔好破壞社會安寧。多謝合作。」
不過她之後又再貼出對話截圖，有一位被點名網民說自己「唔得閒不在港」，而素海霖則留言指對方「驚到離開香港」。問到她覺得會有多少Haters出席，她估計一至兩個：「啱先有個話唔喺香港喎😂」至於為何會舉行這活動，她就回答：「⁠知道佢哋都好大壓力，路過又要話人係雞又盛，咁咪俾個機會佢哋見面話我，盡返少少社會責任。」至於預料現場會說甚麼，她則表示：「其實都係等佢哋主動同我講嘢。」