張馳豪捲抄歌風波急下架 Aska開腔解畫：經一事長一智

張馳豪（Aska）近日捲抄歌風波，新歌《想和你去南山塔》旋律被指與Gordon Flanders的《冬天一個遊》相似，Aska極速將新歌下架。

昨晚（6月30日）Aska出席紅館舉行的回歸騷，首度回應新歌下架一事，Aska說：「首歌出咗，效果未如理想，公司決定抽起首歌。（首歌似《冬天一個遊》？）今次與唔同單位製作，時間好趕，好快錄完兼拍埋MV。我有參與監製，出來原意唔係咁好，所以收番。（原意是怎樣？）想係一首好sweet情歌，出來影響到不同單位，所以公司決定收番。

（你覺得旋律是否相似？）每位聽眾有佢見解。（會否修改？）睇公司下一步部署，跟所有影響嘅單位講聲唔好意思。（有否受打擊？）有唔開心，但自己都有責任，冇check清楚，經一事長一智，學習做好啲。」

（即時娛樂）