阮浩棕12年演藝生涯不易走　最難忘問哥哥借錢過難關

無綫旅遊節目《人生美食地圖-東京篇》明晚（16日）一集由阮浩棕擔任藝人主持，今次是阮浩棕首次踏足日本，他會到築地市場初嚐新鮮海膽，另外還品嚐了稀有的鰻魚拉麵、炭火吞拿魚扒、成年人甜品舖等，及體驗了日本人很喜愛的打棒球運動。

阮浩棕在節目中分享了對於自己作為演員的要求及看法，以及如何在家人無條件支持下走過崎嶇的演藝路。在演藝圈打拼超過12年的他，談到過去經歷的高低起跌時，坦言最感激的人是親哥哥，感性的他還邊說邊強忍男兒淚：「因為我爸爸喺我好細個嘅時候已經長期唔喺香港，哥哥係我細個時候爸爸嘅icon嚟。我阿媽鬧我，我阿哥係會話番佢轉頭。」阮哥哥自小「身兼父職」照顧阮浩棕，阮浩棕今年年初終於在頒獎台上摘下人生第一個演藝獎項—「飛躍進步男藝員」時，更馬上給回家的弟弟送上溫暖的擁抱：「我記得我返到屋企第一眼見到阿哥嘅時候，佢衝埋嚟攬住我、拍咗我一下，我覺得呢一下代表晒所有嘢。」

雖然兩兄弟一切盡在不言中，但阮浩棕還是想藉着節目親口感謝哥哥「無條件的愛」：「之前喺內地最難捱嘅時候，自己一個喺出邊生活，其實係我會問哥哥借錢，所以當我開始搵返一嚿錢返嚟嘅時候，我話我還番俾佢，但阿哥會話：『得啦！袋住先』，某程度我覺得係好愧疚。」背負著家人滿滿的支持及愛護，他對自己作為演員的要求自然絕不馬虎：「如果我對某件事係好熟悉嘅話，我唔會畀自己出錯。我可以接受NG，但我唔可以接受自己拍超過三take。」

東網網站 : https://on.cc/東網Facebook專頁 : https://www.facebook.com/onccnews/