網上熱話｜港女初嘗拼多多買生蠔 激讚38蚊人仔兩盒超值 網民：睇到都唔敢食
自從網購平台愈出愈多，不少人都習慣安坐家中在網上購物，靜待送貨員送貨或到自提點取貨。不過網購食物一向有風險，加上近日天氣極度炎熱，買之前的確要三思。近日，有港女就在社交平台上分享拼多多購物經歷，直言在拼多多以38蚊人仔的超抵價買入兩盒生蠔，引來網民熱烈討論！
港女初嘗拼多多買生蠔
拼多多是近年新興的網購平台，不少人都認為拼多多的價錢比淘寶便宜，吸引了不少fans。近日，一名港女在社交平台發文，指自己在拼多多買了兩盒生蠔運送到香港，試食後更大讚新鮮好食。
激讚38蚊人仔兩盒超值
發文者直言自己「第一次拼生蠔」，「38人仔兩盒，有發泡膠保溫袋」。先不論近日天氣十分炎熱，在酷熱天氣下僅用發泡膠及保溫袋由內地運送到港是否有食安問題，單憑她上傳的生蠔照片中，已經可以看到浸泡在水中的生蠔略帶藍黑色，外貌非常不討好。
網民：睇到都唔敢食
雖然發文者本人就大讚新鮮又好食，但網民就唔係咁睇。有網民表示發文者的勇者舉動與「拼命」無異，「原來咁都入得境」、「淘大型電器搞到爆炸已經過時」，又好奇「食完有冇痾到七彩」，更有網民諷刺道「金魚都寄到落香港，生蠔有幾咁出奇，拼多多嘅嘢唔出奇下次可能兔仔狐狸仔都得」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)