【左鄰右里】孩子扭計嚎哭15分鐘遭鄰居投訴虐兒 港媽無奈嘆扭計喊好正常反遭網民炮轟
近年虐兒事件頻生，當中不少個案有賴鄰居舉報，才得以揭發事件。不過有港媽在網上申訴，稱其2歲大的孩子有一次在家扭計哭鬧，聲音傳到左鄰右里，竟遭鄰居向管理處投訴虐兒，令她感到十分無奈。她覺得「小朋友扭計喊好正常」，若鄰居頻頻投訴會令她「好難教」。
Photo from MamiDaily
小朋友哭鬧遭鄰居控虐兒
該名港媽在香港討論區發文吐苦水，她育有一名2歲大的孩子，日前由同一座大廈的低層搬到高層。有一天孩子在家扭計大喊，大約哭了15分鐘左右，聲音傳到隔離鄰舍，竟然遭人向管理處投訴，稱懷疑他們家虐兒。事後有管理員上門，特意提醒她要「多關心小朋友」，令港媽感到無奈。
港媽嘆難教感無奈
港媽認為小朋友扭計哭鬧是很正常的事，她反問「唔通下下一喊就去氹佢？」，直言如此的話作為父母便很難教養小孩。港媽補充指，孩子哭鬧的時間是早上11時，她覺得「又唔係凌晨喊」，認為應該對鄰舍沒有太大影響。
Photo from MamiDaily
欲反告對方滋擾
除了投訴她虐兒外，亦試過有一次小朋友「笑得好大聲」，又收到該鄰居投訴，著他們要收細聲浪。港媽指過往住在低層時從未試過遭人投訴，對於對方頻頻投訴，她憤言：「我哋係咪可以投訴返佢哋，成日投訴嚟滋擾我哋。」
網民一面倒斥責港媽
帖文隨即引起討論，不過網民幾乎一面倒斥責港媽無理，「可能人哋係通宵工作，就係被你小朋友大叫幾聲嘈醒瞓唔返，然後冇精神工作，人哋覺得受滋擾，有權向管理處投訴」、「其實嘈唔嘈真係唔係你話，當家家戶戶都冇呢個問題，淨係你有呢個問題，嘈嗰個一定係你」、「其他人冇責任容忍你小朋友嘅喊聲，日間你覺得冇問題，唔代表其他人都覺得冇問題㗎。」
Photo from MamiDaily
亦有人提到2歲大的小朋友，正常已很少會嚎哭15分鐘，「細路仔又喊又嘈都唔理，自己搞唔掂個細路，仲要話人投訴佢？」、「其實兩歲都應該唔會點喊，可能真係你問題」、「小朋友喊15分鐘實太耐左。你下次盡量縮至3-5分鐘，方便下人先」、「我鄰居也有一對孖女，每次都係喊兩三分鐘貨仔，喊十五分鐘就樓主要自己檢討吓啦」。
Text：Mami Editorial
Source：香港討論區