鄭中基家長日上台獻唱 為子女學好中文棄國際學校

鄭中基自從遇上老婆余思敏後，就由情場浪子變成好好先生，對一對仔女更寵愛有加。日前更親身出席仔女就讀的南區名校聖士提反書院附屬小學所舉行的家長日活動，兼在一眾家長面前獻聲大開金口，影片瞬間在網上成為熱話。

日前有網民公開一條鄭中基在聖士提反家長日活動上獻唱經典歌曲《無賴》，更向台下家長：「呢隻歌你哋應該識，都熟㗎啦，如果我唔記得你哋幫我唱。」見到以一身輕鬆打扮現身的鄭中基表現水準依舊，台下家長都聽得極盡慶，唱到中途鄭中基仲將支咪遞向家長同大家一齊大合唱，氣氛勁好，搞到校長同副校長在表演後都有上台同鄭中基合照。

事實上鄭中基除了對一對仔女寵愛有加之餘，在教育方面都有想法，仔女在幼稚園時期入讀維多利亞教育機構轄下一所幼稚園，因為學校採用國際文憑（IB）課程，所以仔女自小就講得一口流利英文，但中文能力偏弱，所以升小學時鄭中基決定放棄國際學校，讓仔女入讀校聖士提反書院附屬小學。