吳啟華月花20萬人仔「贍養費」　石洋子周身名牌唔使做

藝人吳啟華與內地前妻石洋子育有囡囡吳熙兒（豬豬），年頭就有傳佢除月付6萬人民幣（約6.97萬港元）贍養費之外，仲會額外給予前外母20萬人民幣（約23.2萬港元）「家用」，照顧愛女及前妻一家人生活，依家阿女仲同媽咪石洋子一齊做網紅，真係日日吃喝玩樂唔使做。

現年37歲嘅石洋子Keep得好，近年甚少工作，外婆負責照顧個女，佢本人就經常周遊列國，在疫情前差不多每個月都外遊，去足日本、韓國、泰國、英國、法國等，食好住好，依家冇得飛，佢終於都睇住個女，今個月佢哋就去咗三亞玩，盡情享受陽光與海灘。離婚後嘅石洋子生活無憂，身上大多都係名牌、名錶、靚手袋，睇嚟佢真係誓做「最富貴前妻」！