【職Talk】公司旅行真係咁爽？打工仔數6慘況呻有苦自知

部分公司為提升員工士氣和對公司歸屬感，都會搞年度旅行或者Team Building活動，例如：野外定向、一日遊等。雖然員工不用在公司工作，可以去玩，看似令人「葡萄」，但有不少打工仔呻，與老闆和並不相熟的同事去旅行，其實「有苦自己知」！

1. 變小學雞旅行：員工旅行去歐洲、日本或台灣當然好，但有網民分享，其公司為慳錢只曾去深圳、珠海等地。部分更未能「衝出香港」，只搞林村、南丫島一日遊，有老闆甚至打算安排員工去元朗大棠、北潭涌郊野公園！

2. 自費旅行：有網民分享，即使公司旅行去日本，但入職不夠兩年要自費及扣假，她入職行政部不夠兩年，負責做旅行搞手，公司要求她參加，估計要自費5000至10000元！即使公司最後肯資助一半費用，她都寧選擇不參加。

3. 假玩樂‧真Training：公司會安排緊密行程，甚至有機會從早到晚在酒店Training。有從事文職的過來人分享，試過上午如常在公司工作，中午就出發到馬灣進行Team Building活動，烈日當空下玩野外定向，直言「辛苦過返工」。

4. 假期變返工：部分公司會安排員工旅行在周末或連續公眾假期進行，重點是不會補假。有打工仔呻道，「平時返工都係朝九晚六，仲有放工之後係私人時間，但呢啲旅行基本上全日都要對老闆、同事，仲辛苦過返工！」

5. 累積工作量：Team Building活動多在工作日進行，有新入職同事以為上班半日可以去玩，老鬼同事們不禁想：「少年，你太年輕了」，明日要繼續完成這半天的工作呀！

6. 應付麻煩老闆同事：如果與老闆、同事關係好，當然可當與朋友去玩，否則言行舉止都要小心翼翼，但「弊在唔講嘢又唔得」，又不能「成碌木咁企o喺度乜都唔做」。