情侶Daniel 與Crystal愛情長跑9年幸福肥激增57磅！為結婚實行減肥1年減去54-68磅！

很多人都說幸福肥是拍拖後會出現的定律，今次故事的主角 Daniel 與Crystal，正正應驗了這個定律。兩人拍拖8年，男生體重急增 73磅，女生也升了57磅，非常驚人。直至2019年，Daniel 與Crystal 有結婚的打算，才開始決心減肥！

很多人都說幸福肥是拍拖後會出現的定律，今次故事的主角 Daniel 與Crystal，正正應驗了這個定律。兩人拍拖8年，男生體重急增73磅，女生也升了57磅，非常驚人。直至2019年，Daniel 與Crystal 有結婚的打算，才開始決心減肥！

Daniel 與Crystal 在大學相識，2012年開始拍拖，自此之後就成日出街食飯，漸漸展開幸福肥的旅程。8年來兩人的體重一直有升無減，Crystal 由130磅升到187磅；Daniel 更由175磅上升至248磅。加上家人的美味住家菜眷顧，令他們的減肥動力大減。以下看看他們的親身分享。

Q1：可以分享一下你們拍拖後的幸福肥經過嗎？

Daniel：「我哋拍拖後成日出街食飯，當時由於做功課做到夜晚11、12點，肚餓時我哋去茶餐廳，食炸雞做宵夜。平時嘅飲食亦都好唔均衡，每日食完茶記早餐，再食個pizza 做lunch，下午茶又嚟個熱狗西多士。久而久之，胃口愈大，肚腩亦都愈嚟愈大」。

而Daniel 亦都係肉食愛好者，炸雞、牛扒、豬腩肉都是他的最愛。更震撼的是，Crystal去茶餐廳誇張到飲奶茶要落6匙糖！

Q2：親友有勸過你們減肥嗎？

Daniel：「親友都有講過吓，話肥咗好多，但無特別逼我哋減，而我哋自我感覺良好，覺得肥還肥，都係食埋先減。」 

Crystal：「其實每次返屋企食飯都會俾屋企人叫我減肥，但係另一方面亦都會煮啲好肥嘅餸菜，例如係東坡肉、雞翼等。所以屋企人都唔係好大動力去勸我減肥。」

Q3：Daniel 體重急增 73磅，身體有出現什麼問題嗎？

Daniel：「自從身形暴漲後，平時行幾步樓梯都會喘氣。因為身體太重會令到個人唔想郁，所以到做運動時好易攰，且一年四季都不停出汗。體重最高峰時，我對腳會出現關節痛，甚至連帶有高血壓。記得第一次去營養師度血壓上壓200幾，下壓100多。」

Q4：Crystal 幾年來體重急增 57磅，身體又有什麼問題？

Crystal：「最主要係皮膚問題，由於食得太油膩，導致背脊同臉頰有好多暗瘡同油脂粒。而肥胖亦令到我荷爾蒙失調，我有近2年左右出現每半個月來一次月經。另外，行路會好易攰，有時亦好易頭暈同心跳加速。」

Q5：之前有無試過減肥失敗？

Crystal：「以前有試過食減肥藥，但只係不停痾到脫水。我亦都試過節食，每日食一個蘋果就當係午餐，晚餐唔食飯。不過會無力、無精神，而減去嘅只係水份，一食返正常分量食物就馬上反彈。」

Q6：今次邊個提出要減肥大計？如何實行？

Daniel：「今次係一齊提出嘅。由於我哋面對緊身體各種毛病，加上有結婚大計，所以有決心去減。朋友同家人今次俾左動力我哋去實行呢個減肥大計。」

由於Daniel 和Crystal 計劃在今年結婚，所以他們早在2年期開始減肥。兩人於尚營坊參加了為期10個月既的療程（另加6個月跟進期），由註冊營養師Tracey 跟進。計劃預計Daniel 可減掉60磅，而Crystal 會減去50磅。

因為兩人想以輕鬆、較慢的節奏去減肥，所以在開始減肥的頭2、3個月，營養師Tracey 首先會根據平時食物份量去計算卡路里，然後再根據減肥進度再去計劃餐單。中間每隔3個月左右因應磅數同脂肪率再調節份量。

Daniel：「頭半年，我哋每星期見2次尚營坊營養師，跟進身體狀況，隨時更改餐單。去到中後期，隔5至7日見一次營養師，慢慢俾我哋加強自控力同管理自己體重。如果當中有飯局，Tracey會因應我地去唔同類型的餐廳，而建議我飲食。當成效顯著時也會有cheat day 放縱日。」

運動是減肥過程中必備item，Tracey也有分階段為兩人加強運動量。由一開始20分鐘左右的簡單伸展運動，散步等動作；去到後期加強到30分鐘的帶氧運動。Daniel 和Crystal 也自覺地增長運動時間到40分鐘甚至1小時。

Daniel：「一開始由於體重太重，再加上我哋唔鐘意做運動，Tracey 都安排咗啲輕鬆帶氧運動，每日大約做15-20分鐘。而慢慢到平台期，由於身體開始熟悉運動強度，就安排我哋嘗試跑步。Crystal雖然一開始好抗拒跑步，不過睇到體重同脂肪都顯著減少，所以大家都互相鼓勵對方去運動。」

減肥一年，Crystal 體重減了54磅，體脂23.8%，而Daniel 亦都減了68磅，體脂去到16.2%，非常成功。目前，兩人keep住一星期至少跑3日，每次平均30分鐘。經過這年減肥經歷，他們已習慣了運動和自己調配飲食。

Q7. 回望最肥時的自己，你有何感想？

Daniel：「回望返以前既自己，真係諗唔到點解我會俾自己繼續肥咗咁多年。依家我嘅血壓正常，各個身體機能都無問題。而我更估唔到自己竟然可以成功減到咁多磅，減完之後唔想再變返肥，希望自己可以keep住健康！」

Crystal：「減肥過程中，除咗係身體上嘅改變，心理上更有所轉變。呢段時間，我因為減肥而訓練到自律性。如果我哋連健康都擁有唔到，又點可以繼續開心咁享受我既人生？我冇後悔到變肥，亦都好開心可以減肥成功。因為減肥，令我學懂珍惜身體，珍惜人生。」

看完Daniel 和Crystal 的親身分享，你也有受到啟發嗎？

**Follow us on:

• Facebook: CosmoHK
• Instagram: @cosmopolitan_hk
• YouTube: CosmopolitanHK**