極危險拉麵！京都噴火拉麵@めん馬鹿一代
食拉麵，一般都係講湯底、麵條，但「めん馬鹿一代」就以視覺效果取勝！「噴火拉麵」其實係喺蔥拉麵，湯底以雞肉、豬肉、魚熬製而成，拉麵上嘅蔥份量十足(多到見唔到麵)，淋上滾油，經大火燒，蔥拉麵嘅蔥香就更濃郁，每一啖都係滿滿的蔥油味道！所以，噴火其實唔淨係為視覺效果，亦係味道上嘅追求嚟架！
めん馬鹿 一代
- 地址：京都府京都市上京区南伊勢屋町757-2 佐々木ビル
- 交通：地鐵「二条城前站」步行約10分鐘、JR「二条站」步行約15分鐘
- 營業時間：11:30～23:00
- 食べログ
噴火拉麵的正體係蔥拉麵(1250円)，使用高級野菜「九條蔥」，味道比一般大蔥香甜。千祈唔好同老闆講走蔥、亦唔好挑走啲蔥！
除咗單點，仲有套餐：A餐配搭細炒飯(1480円)、B餐配搭細炒飯及煎餃5件(1690円)、C餐配搭細炒飯、煎餃5件及炸雞3件(2150円)
「めん馬鹿一代」店面不大，除咗吧枱，仲有普通餐桌位，但係要食招牌噴火拉麵就一定一定要坐吧枱(唔係點睇師博表演)！
※注意 - 噴火拉麵安全守則※
- 油倒進拉麵時不可拍照！由於拉麵噴火時相當危險，唔好嘗試同噴火中嘅拉麵合照。
- 不可逃跑！輕舉妄動會驚動到其他客人構成不必要的恐慌，而油亦會噴濺到其他地方。
- 不可觸碰麵碗！倒入滾油時油花四濺，拉麵碗會十分油膩，隨意觸碰會粘上油漬，唔止會手滑會會弄髒自己。
- 用餐完畢前不可拆下圍裙！進食過程中，油會噴濺，因此必須全程戴上圍裙。
更多關西旅遊資訊：Handler《嚮導》
Follow我地：Facebook