疫情持續 外遊必須注意呢啲位置要消毒

武漢肺炎肆虐，唔少香港人都想離開香港避難。又或者有好多人一早已經買左機票要出國，如果你係其中一份子就要留意無論喺飛機、船、火車、巴士等交通工具都會有一啲病毒高危嘅地方。今次就等小編提提大家，喺搭公共交通工具嘅時候，下列嘅地方一定要好好消毒。

#安全帶

安全帶原本就係為咗保障你嘅安全，但係喺疫症發生嘅時候，就會變成高危嘅地方。因為如果上一位乘客佢係帶菌者，而且佢冇戴口罩，只要佢有講過野，佢嘅安全帶上面就有可能會殘留病菌。尤其是係會供餐嘅地方，就更有機會有病菌殘留。

#扶手

好多人都會忽略呢一個地方，但係偏偏好多人係搭飛機、火車等交通工具嘅時候都會摸到扶手。試諗下，如果帶菌者佢掩口鼻咳嗽，佢嘅手一定唔乾淨，病菌一唔覺意就會揩上扶手上面，所以大家一定要注意呢個地方。

#摺檯

頭先都有講過，如果有供餐嘅地方，更加有機會讓病菌殘留。摺檯都唔例外，你進食嘅時候，同樣全個機艙或者船艙嘅人都喺度進食緊，大家都唔會有戴口罩，病菌好容易就會隨着口水附着喺接枱上面。

#座椅

其實在座椅好難消毒，不過係疫情未爆發之前，已經唔少空姐朋友同小編講，佢哋自己搭飛機嘅時候都會拎多一張毛氈或者自己準備一件大褸，唔係因為怕凍，而係用嚟坐。相信唔少人都知道，好多醫生都提倡搭飛機要着長裙或者長褲，因為喺密閉空間入面嘅座椅其實係非常之污糟架！而且都有唔少傳言話，如果有乘客失禁、嘔吐或者種種原因整污糟張凳，航空公司都未必一定會立即更換，只會將表面清乾淨，有良心嘅咪消毒一下囉！但畢竟時間有限，清潔人員都未必有咁多時間去仔細清潔。所以，最好就着長褲長袖衫同埋搵啲嘢嚟隔住張凳先坐啦。