【子女教養】小四女偷$300買飲料文具送同學 港媽衝動罵女1句極後悔：太不成熟
誠實是一種美德，亦是最寶貴的財富。而偷竊行為正是一種嚴重違反誠信、偷雞摸狗的舉止，實在可恥至極。一旦小孩子受到不良風氣影響，小小年紀便膽大妄為，嘗試偷東西，對此，父母應如何處理？家長的教育方式必定影響子女深遠，究竟應循循善誘，抑或嚴加管束？至今仍沒有正答，但一名港媽卻為自己的選擇，感後悔不已。
Photo from MamiDaily
小四女偷竊300元
一名港媽在社交專頁《荃灣人》發文，哭訴自己因情緒失控，對女兒作出了過份的行為。原來她最近發現小四的女兒竟偷了家裡300元，逐追問之下得悉，女兒原來只打算暫時借用媽媽的錢，並非立心偷竊。「佢解釋初初係想睇下佢之前嘅零用錢有無喺我櫃桶個文件袋入面，但見係無，不過就見到我有個利是封入面有幾百蚊，佢就攞咗300，諗住遲啲用自己錢填返條數」。
Photo from 劇照《兩個爸爸》
送禮討好同學
而且，女兒偷錢的目的只為買飲料和文具送贈同學，「總之同學話想要乜佢就買乜，佢話純粹係嗰刻覺得個同學好乖，想買俾佢」，她亦強調沒有被人強迫，行為純粹自願。然而，即使行為是出自好意，也不可以將其合理化。港媽明白女兒年紀尚小，也許是渴望結識真心朋友，才會有送禮討好的想法。
Photo from 劇照《以家人之名》
港媽情緒失控
然而，無論是建立在物質上的交友，抑或是不誠實的偷竊行為，兩者均讓港媽無法接受，不知應如何教好女兒。「我真係唔知點樣正確教好佢」。而在極為崩潰之際，她情緒嚴重失控，作出一個錯誤決定。港媽竟怒斥女兒「叫佢唔好返屋企我唔要佢」，然後將其書包扔地。
Photo from 劇照《浪漫速成班》
處理方法不當
雖然事後港媽也懊悔不已，後悔當時曾以女兒為恥，「我第一反應就係覺得好大件事，一直覺得偷嘢就係小偷，係好羞恥的行為」，但在冷靜過後，也反思自己的處理方法不當，孩子犯錯就只知道指責，甚至用尖銳的言語傷透女兒的心，「非常唔成熟同唔理智，教育方面我真係覺得自己好失敗」。
Photo from 劇照《浪漫速成班》
與子女共同成長
為此，她表示已向女兒致歉，「我今日同佢講對佢失望時，佢眼淚就止不住嘩嘩的流，都知道佢係驚同傷心，我會好好同佢傾下，亦都會為我傷害佢的行為同言語而道歉」，並承諾日後會推己及人，將心比心，增加與子女之間的溝通，共同學習和成長。
Photo from 劇照《反起跑線聯盟》
網民提出意見
帖文發出後，不少網民亦紛紛提出意見，「明白媽媽會好激心，但淨係識打罵，只會令孩子變本加厲，母女關係疏離」、「打打鬧鬧解決唔到問題，而家小朋友係要先了解再糾正返個問題」、「依家仲係小學就話罵得聽，到上中學個陣，就知道罵係冇用」、「小朋友一踏入青春期，先識後悔當初無教好就太遲啦」、「唔係話叫你唔好罰，但感覺你平時好少同佢溝通，如果你唔借呢次機會學習處理自己情緒同埋教導佢正確觀念，就錯失咗一個良機」。
Text：Mami Editorial
Source：《荃灣人》
留言 4