【搵食CONY】日本三⼤和⽜輪流登場　自助餐嘆5款肉肉料理

「日本和牛」四字本身已經相當有號召力，再加上「任食」這元素，為食的朋友仔聽到相信都會流晒口水。沙田帝都酒店柏麗廳於1、2月舉行「⽇本三⼤和⽜巡禮」，神⼾、山形及松阪和⽜輪流現身自助餐，食客可以任嘆⼿⼯風琴和⽜排、珍寶⽕炙和⽜壽司、⾹煎鐵板芝⼠漢堡，以及蔥蒜和⽜鐵板燒，還有燒⽜扒，一眾食肉獸一定會大滿足。

除了大啖肉的料理，餐廳亦加入一系列冬日美食，包括菊花蛇羹、枝⽵⽺腩煲、臘味糯⽶飯等，食完充滿油脂的和牛可以暖暖胃。另外的⼀品窩亦是焦點之一，用上鮑⿂、海參、花膠，鮮味之餘蘊含滿滿的膠原蛋⽩，在陰冷的天氣下替大家滋補養生。

自助餐的甜品區也是食客的戰場之一，適逢⼠多啤梨季節，⼠多啤梨塔每晚準時7時半現身，原粒⼠多啤梨配上忌廉與糖粉，甜蜜非常。⼀系列芝⼠慕絲蛋糕、紅絲絨蛋糕、夾⼼甜點等亦佔據各個角落。

喜愛飲返兩杯的食客同樣會滿足，餐廳的自助飲品站提供紅酒、⽩酒和氣泡酒，可以自由任斟任飲，而晚上7時半後更有雞尾酒站，即時調製雞尾酒和無酒精飲品。

沙田帝都酒店柏麗廳自助餐
地址：沙⽥⽩鶴汀街8號帝都酒店3樓
價錢：成人$433起、小童$288起