港台主持辛巧琪身材成熱話　3年前由輔警升級成督察

現年35歲的前港台主持辛巧琪（Binky）近日憑豐滿火辣身材成為網絡熱話。有網民表示，自己十分享受收睇一個香港電台的節目，更坦言自己受到節目主持的吸引。辛巧琪於IG作出回應，指自己並非「性感人妻主持」，因為她已離婚回復單身。她亦透露港台在2025年並沒有與她續約，所以她已非該節目的主持。

辛巧琪於港台曾主持《議事論事》、《抗疫快訊》等多個節目；2018年與港台導演張騫（Rex）結婚，但兩人現已離婚。她稱擁有註冊催眠治療師、夢境分析治療師、NLP發證導師等8項專業資格。2023年時任警務處處長蕭澤頤提到有「一位電台DJ」加入成為輔警，據了解就是香港電台主持辛巧琪。她在2018年經歷長達8個月的輔警訓練，成為輔警，並在2023年完成輔警督察訓練，正式升職。當時她向傳媒表示，加入輔警是因為曾訪問警署警長，而她亦很喜歡督察訓練。

辛巧琪近日被不少傳媒報道，她在社交平台發長文：「多謝報道，其實我都只係一個普通人。我想分享我一啲身心價值觀嘅改變，而有關『再度發育』『Starwar』其實我想分享好耐。我如何用3年，每晚10個鐘Brava機，出晒紅疹，放棄社交去『增長』。我覺得呢份毅力同減肥／操機嘅朋友『有過之而無不及』。我自己用左（咗）Brava機3年（自己可上網search到）。Brava機技術已經30年，本來應用喺人嘅重建手術或組織/肢體延長，網上有大量醫學文獻。原理係透過外來持續的拉力／負壓力，令組織同細胞被逼1變2、2變4分裂，從而增長細胞，包括脂肪細胞。」

辛巧琪詳盡介紹自己使用的Brava機：「每晚要帶（戴）10個鐘或以上，個罩又重又大又易甩，訓（瞓）覺只可平訓，如果半夜不自覺轉身，一鬆左（咗）就會有alarm叫醒你。期間我出哂紅疹，皮膚發炎，個瘀黑嘅印一年都未散，當你一晚無帶（戴），要用一星期去補返無帶（戴）嗰日。我放棄左（咗）好多活動同社交。用左（咗）一個療程，覺得個增長好細，我繼續再買新嘅brava罩杯，足足帶左（咗）3年，用左（咗）4-5萬，仲未計貴到癲嘅配件、醫生費、藥膏。身邊有兩個女仔朋友都因為見到我嘅效果已開始brava療程，最終都係堅持唔到。」

辛巧琪形象自己是好堅持的人：「定左（咗）目標，我一定會努力頂到完成。無論brava機、學習、訓（瞓）練、工作、減肥、箍牙。我無富爸爸富媽媽、亦無什麼屋企背景。所有都係我好努力而獲得，我對得住自己同別人。我面對嘅困難亦比大家想像多。明白你嘅人、心地同價值觀相同嘅人自然會欣賞同鍾意你。鍵盤戰士同外人嘅亂講、誹謗、誤會、攻擊、欺凌係可以唔洗負責任，你亦控制唔到。但記得佢哋嘅唔鍾意同仇恨，Suffer嘅只係佢哋自己，佢哋嘅內心感受同情緒控制住佢哋自己嘅心靈。但係對於不公嘅事，被剝削，詐騙亦唔需要採取消極嘅態度，我一樣會盡力爭取、用合法嘅方法處理。積極但不需要帶有仇恨，有目標方向同有『要成功嘅意念』但不執着。我亦都唔係天生內心咁強大，亦都係經歷過好多挫折同失敗，先有今日嘅自己。共勉之。」