方皓玟認愈大愈迷信 曾遇「極品」傭人 要苦忍3年半

由范振鋒主持的新城廣播全新節目《鋒繼續吹》，其中一連13集的「生命玄關」環節，邀請知名堪輿學家關雲麒師傅擔任嘉賓主持，首集嘉賓是關師傅歌手好友方皓玟（小明），在節目中為小明看面相指點迷津，指小明顴骨高甚有福氣，但晚年可能要靠另一伴照顧生活。

小明與關師傅認識多年，經常請師傅指點迷津，解決不少生活上煩惱，她曾經遇上「極品」傭人，全靠關師傅幫她解決困擾：「我搵過一位傭人姐姐真係極品，比軒仔嗰個仲勁，唔止早餐煮得衰，所有嘢都衰，好辛苦忍咗佢3年半，真係好委屈。」

後來關師傅在10多個傭人當中，為小明挑選一位，她馬上辭去舊傭人：「我即刻換，冇睇名、冇睇樣、冇面試，點知非常之好，我安樂晒，可以專心做嘢。」

小明10多歲時經常會聽到靈體玩耍聲音，令她困擾，她憶述：「我成日聽到佢哋（靈體）喺度玩，身邊朋友又畀佢哋整蠱，但就唔搞我，同埋有鹹濕鬼呢樣嘢，有啲鬼係會鹹濕啲女仔，最恐怖發生喺凌晨3、4點，去到5點或天光就冇事。」

范振鋒問小明會否擔心被指迷信？她表示：「我迷信自己、迷信音樂、迷信一切，人愈大愈迷信，但冇問題，你相信嗰件事為你帶嚟正面影響，係一啲資訊性嘅提供，我覺得冇問題，又唔係用一啲奇怪方法去實踐，又唔係害人。」

（即時娛樂）