林子祥自爆赴英留學變孤兒　跟細佬被遺棄︰講起都想喊

查小欣近日開設YouTube頻道「紅查館」，邀請多位圈中好友接受訪問，繼羅家英後，最新一集請到林子祥（阿Lam）及葉蒨文（Sally），阿Lam自爆早年留學英國，曾與弟弟被遺棄在地鐵站，更因冇錢交學費而被踢出校，Sally則公開不吃海鮮的原因，透露有次朋友煮龍蝦，她更當場落淚。

林子祥18歲就被家人安排到英國留學，他在節目中自爆早年留學英國的悲慘生活：「細個喺英國冇嘢食，屋企人冇寄錢，學校踢咗我出嚟，爸爸雖然係醫生，不過佢由我哋（阿Lam與弟弟）自己去求生……」最深刻的畫面，由Sally補白：「我哋去英國成日坐地鐵，嚟到一個地鐵站，阿Lam就話，佢就喺呢個地鐵站俾人丟低，佢一個喼、細佬一個喼，企喺個地鐵唔知點算，而家佢講嘅時候都想喊！」日本有《阿信的故事》，英國版《阿Lam的故事》更是另一個掙扎求存的真實經歷，阿Lam透露當時年紀輕輕在異地靠打工維生：「乜都做，麥當勞、派報紙、幫人執屋、百貨公司，搵到幾多就食晒，冇㗎啦，因為仲要租房！」阿Lam指當時足足捱了四年，笑稱當下不覺辛苦：「嗰陣時我同細佬一人一罐罐頭，開到就一餐㗎啦。」

查小欣與Sally相交多年，知道Sally有個不吃海鮮的特別原因——Sally居然能聽到海鮮喊？Sally在節目上透露原來與一段童年經驗有關：「唔係喊，佢喺度叫！嗰陣時我daddy煮蟹，丟隻蟹入個鑊，佢（隻蟹）嘅眼睇住我好似叫救命，佢唔係（真係）叫，只係我自己諗，如果係我就會叫救命，但我救唔到佢，佢好慘！又有一次朋友整龍蝦，龍蝦仲郁，我當場即刻喊，我叫佢攞走，我唔得！」Sally笑言兩夫婦對飲食並不講究，到快餐店就可以搞掂一餐，至於早前阿Lam被拍到在公園獨自吃燒味飯盒，看樣子十分孤清，阿Lam輕鬆回應：「不知幾enjoy，一啲都唔慘！我而家仲會去茶餐廳，飲奶茶、睇報紙！」