193現身葉劉見面會　「愛係唔可以就咁解釋到」

國際潮流文化盛會《ComplexCon Hong Kong》，早前已預告今年會邀請不少猛人坐鎮，除已公布的Jennie@BLACKPINK，美國Rapper Yeat外，最震撼是有年屆75歲，行政會議召集人暨新民黨主席葉劉淑儀（Regina ）。葉劉向來愛在個人社交平台派福利發旗袍靚相，今次便破天荒首度搞粉絲見面會，仲有小卡送，震驚不少港人。就連藝人193（郭嘉駿）都慕名而來，仲帶埋自家品牌的衫贈予葉劉。

葉劉的首次Fan meet於昨日(21/3)在亞博舉行，今次沒有穿上標誌的開叉旗袍，反而是黃黑色的唐裝衫登場，與粉絲一對一近距離接觸。席上她會向粉絲送上親筆簽名閃卡，還可以合照。從影片可見，現場都有不少粉絲一早到來，而葉劉亦表現興奮。事後，葉劉在個人社交平台分享的影片中，就見到連藝人193都有到場，原來他自家品牌都在亞博場館有擺攤位，於是因利成便，帶埋一件自家製冷衫，送予葉劉兼合照。

193後來接受訪問，問到葉劉對他而言有何吸引，193就表示︰「個人魅力嚟，解釋唔到嘅呢啲嘢，愛係唔可以就咁解釋到。」而葉劉事後都有發文，但疑似扮作不認識︰「My fan who calls himself 193 gave me a pullover at my fan meet at ComplexCon today!」（一個叫自己做193的粉絲，今日在見面會中送我一件毛衣。）相信葉劉都是扮作不認識，否則不是刻意上載與他的合照。