谷愛凌合照賀中國隊贏金牌　晒選手村閨房令人大跌眼鏡

中國游泳隊於奧運男子4X100米混合泳接力決賽，派出徐嘉余、覃海洋、孫佳俊及「壽星」潘展樂力拼美國隊，最終以3分27秒46奪冠，更創下中國首個「400混」接力金牌！原來已躋身國際名媛行列嘅「滑雪女神」谷愛凌，都有去到現場觀戰，谷愛凌仲激動衝落台同游泳接力隊男生們合影慶祝，更同還和潘展樂握手，創造世紀合照。

谷愛凌以「奧運村和奧運的朋友們❤️🥇🥈🥉」為題，上載大批巴黎奧運嘅相，更令「#谷愛凌和潘展樂握手#」獲6,100萬閱讀量，明顯係獲多大批網友力撐。今次奧運Trip谷愛凌頻頻以短裙、短褲示人，成日晒長腿，令人眼前一亮。佢更疑似晒出身處選手村嘅房內相，不過就成地行李，床上亦有唔少雜物，令人驚訝原來女神「閨房」係咁多嘢，同平日光鮮打扮好大出入。

同時，谷愛凌大談對中國跳水隊金牌女運動員全紅嬋嘅喜愛，稱讚全紅嬋、陳芋汐好可愛，對佢哋十分喜歡，又有交流彼此從事運動嘅共同點，谷愛凌指呢樣就係運動嘅魅力。據悉，谷愛凌即將參加巴黎奧運嘅大眾馬拉松。

東網網站 : https://on.cc/東網Facebook專頁 : https://www.facebook.com/onccnews/