戴祖儀出「車禍」　飄移自炒連人帶車翻側

無綫小花戴祖儀早前眼部患上虹膜炎，康復後即孖住黎諾懿出埠，惟她禍不單行，此行揸車時竟發生意外，驚爆「飛車失事」！其實她日前騎電動三輪車，期間大玩飄移，更自信表示：「我啲飄移技術真係掌握到淋漓盡致，表演多次飄移畀大家睇。」豈料話口未完，她就出「車禍」，連人帶車翻側，導致四腳朝天，狀甚狼狽。同場的黎諾懿則在鏡頭後一直大笑，不過鏡頭一轉，一起玩三輪車的黎諾懿亦相繼倒地，戴祖儀即時心都涼晒，更笑指：「忠告，笑人緊要還，咪笑得太快」，場面搞笑。

東網網站 : https://on.cc/東網Facebook專頁 : https://www.facebook.com/onccnews/