古巨基唱歌囝囝Kuson聽得陶醉 表情十足搖晒頭影帝上身

去年3月，太太陳韻晴（Lorraine）為古巨基誕下囝囝古晋匡（Kuson）後，加上疫情，基仔變身全職奶爸，經常分享囝囝的日常。最新Po出一段Kuson聽他唱歌的片段，1歲半的Kuson聽到爸爸唱歌好有反應，一時喊一時笑，又不停搖頭顯得好陶醉，看在老竇眼裡應該好鬼甜。
Leo配文分享感受「我屋企有個『影帝』！啲情緒由內到外再走返入內，好有層次嘅變化。事緣Kuson之前第一次現場聽過我唱《花灑》之後，佢而家聽到我唱『啦啦啦』會咁樣。」粉絲見到之後都大讚Kuson好可愛，「爸爸一定好冧！佢真係太可愛」、「下次開演唱會可以做特別嘉賓」。