Gareth.T偕多名男子半裸谷歌 盼「令山轉」轉上紅館開騷

Gareth.T（湯令山）昨晚（6月30日）與53名半裸男士在旺角快閃，宣傳新歌《用背脊唱情歌》，吸引逾千fans圍觀大合唱，場面震撼，Gareth亦不負眾望，連唱兩次，最後更使出「令山轉」。

快閃後，湯令山表示53名男士全部自願上陣，包括自己化妝師好友，他亦搞笑表示，篩選條件不需要壯男，但必須高過自己，全場大笑！他亦力邀「華納高層」一齊半裸，但遭對方拒絕，問到會否挑戰MV式全裸，湯令山即時「拋波」給公司高層，對方爽快答「OK」，湯令山聞言即落閘：「湯令山話唔得。」

新歌甫推出便大受歡迎，有部分網民認為這首歌，有機會問鼎年底頒獎禮歌曲獎，成為2025年度的Song Of The Year，Gareth謙稱：「就算真係成為咗Song Of The Year，聽日都係繼續寫歌，下星期都係繼續寫歌，好多謝大家鍾意呢首歌，我都好鍾意呢首歌，我會繼續努力寫歌。」問到歌曲大受歡迎，可有信心「轉」上紅館，湯令山說：「希望啦，但好似有啲遠，順其自然最緊要，但會盡力。」

（即時娛樂）