《愛．回家》「賈名媛」老公胃癌康復　吐照顧者心聲

無綫處境劇《愛．回家之開心速遞》飾演「賈名媛」的邱芷微（Chelffy)，今年2月跟老老公陳志忠（Wilson）結婚，Wilson於2020年患上胃癌，需要切除大半個胃及接受化療，經過5年時間後現在已經完全康復 。二人日前出席癌症資訊活動，以康復者和照顧者身份為現場同行者打氣，Wilson説：「唔好害怕，只要積極面對，尋求治療方案盡快處理，都可以好快就會變成正常人。以我個人為例，仍然正常和健康。」他坦言不時有人說癌病康復路是很漫長，病愈後仍然有不少後遺症，令康復者相當辛苦，但其實都不是的，他最想給病人和家屬帶出一個訊息：「是有希望的。」 至於Chelffy則分享作為照顧者的心情：「其實睇住家人患病時嘅軟弱；治療過程所承受嘅痛苦而感到無助，我哋喺旁邊，除咗要整頓自己情緒外，亦需要給予更多關懷同正能量對方，係一件唔容易嘅事，所以全家人嘅愛同支持係好緊要。」

另Chelffy透露近日挑戰寫舞台劇劇本：「最近獲慈善團體邀請，寫一個介紹中華文化嘅劇本，老公做動作導演，佢啲徒弟除咗打功夫，仲要挑戰做戲記對白，都幾唔容易。」問到有否嚇怕徒弟而不想演戲？Wilson 笑言更加要訓練徒弟膽量及自信：「經過今次嘗試，佢哋會明白原來做藝人拍戲唔容易。」

東網網站 : https://on.cc/東網Facebook專頁 : https://www.facebook.com/onccnews/