【頭條獨家】被指撻着逾1年 宋芝齡親回與59歲安德尊街頭撓手

現年59歲的「大王」安德尊和42歲的宋芝齡，是TVB婦女節目《都市閒情》及《流行都市》的元老級主持，合作多年，向來是歡喜冤家，私底下亦非常老友。今期《東周刊》影到安德尊撓實宋芝齡現身街頭，頭貼頭密密傾，態度親暱，疑秘密拍拖。報道指9月19日是安德尊的60歲生日，他與宋芝齡向來啱傾，但礙於女方一直斷斷續續有拍拖，至近年才回復單身，大王便鼓起勇氣展開追求，二人已暗撻逾1年。
戀情傳出後，宋芝齡今日接受《頭條娛樂》訪問時否認，沒好氣說：「嗰日拍《流行都市》外景呀，啱啱經快餐店買嘢食咋。我不嬲同佢都撓實，好friend㗎嘛，有時拖手添同事都慣晒。」問到與大王認識幾耐？她說：「我細細個就睇佢啦。（會否一齊慶祝生日？）我哋唔興，佢唔講幾時生日，懶神秘。」
芝齡透露已單身一段時間，與大王有沒有發展空間？她斬釘截說：「大家朋友，老朋友呀！梗係唔會啦！我要啱啱識先有新鮮感，識咁鬼耐咩火花都冇啦。但開心嘅，能戰勝李錦聯，以後出商場騷啲人可以諗吓我同大王出去。」