38歲樂基兒成功控制妊娠糖尿 靠餐單食住瘦6磅！
去年11月，38歲樂基兒開心公布懷有第二任丈夫Ian的愛情結晶品，一向身體健康又愛運動，勢估唔到一樣中招被確診患有妊娠糖尿。好彩鬼妹仔性格Gaile生性樂觀又正面，自己研究戒口食物亦都照做運動控制體重，家陣懷孕29周成功減去6磅，亦都唔使打針食藥控制糖尿!
撰文：東方新地｜圖片：東方新地、ig | 編輯：Chloe | 原文刊於：東方新地
樂基兒確診患妊娠糖尿
妊娠糖尿病是懷孕期間最常見的代謝性疾病，發生率大概為10%，一般情況醫生會建議在懷孕第24至28周時，口服葡萄耐糖(飲糖水)進行測試，估唔到愛做運動又係名模出身的樂基兒都中招，日前她在個人IG發表長文公布懷孕24周時被確診患有妊娠糖尿。
小心飲食又保持運動，跑得跳得做得瑜伽更連倒立都難唔到佢，陀B六個月僅僅增磅22磅，原來健康自律如Gaile都一樣逃不過妊娠糖尿，好彩呢個準媽咪夠硬淨，公布消息時，已經戒口成功減去6磅!
12年同黎明離婚、17年與現任老公Ian Chu在美國再婚，婚後Gaile戒酒戒蒲積極造人，終於成功懷孕，更公開BB性別係豬仔。
可惜呢個孕期都叫一波三 折，繼懷孕初期有報道指佢擔心曾經隆胸又拆彈被閨密笑言患上「人奶驚恐症」 後，如今又中多一樣。不過一向敢作敢為又夠樂觀，Gaile照做運動同高難度瑜伽，日前頂住近七個月大肚玩埋引體上升真正挑戰大肚婆極限。
留意番，大肚婆如何正確做運動，及妊娠糖尿如何節制飲食，Gaile都好窩心公開自己一 套，成功減到磅、一樣可以滿足食慾、更加唔使一日打四針控制血糖，同時肚 內BB都健康又足磅，各位準媽媽跟得過!
同病相連
41歲蔣怡育有一對子女，第一胎時一切順利，去年陀二胎就中招患有妊娠糖尿，鍾意食又愛整甜品，蔣怡就話戒口戒到有點抑鬱。至於35歲吳日言去年陀 時被確診妊娠糖尿，住足三晚醫院，出院後要每日幫自己 打四針控制血糖指數，千辛萬苦至捱到三個月前囡囡Beatrice出世。
公開對策
大肚婆Gaile向來為食，懷孕初期絕不戒口，雪糕及生冷嘢都照食，最慘就係妊娠糖尿要戒晒所有甜食同澱粉質，連大部分水果都因為糖份高唔食得，所以Gaile都整理咗適合自己一套主食、飲品同零食餐單，希望幫到其他準媽媽。
奶類飲品:無糖杏仁奶
粉麵:蒟蒻麵
調味拌醬:無糖希臘乳酪
意粉:鷹嘴豆或扁豆意粉
米類:糙米或藜麥
零食:輕鹽瓜子、果仁或紫菜
甜食:少量堅果燕麥穀片
飲品:果味有氣水
水果:早餐乳酪前食半個蘋果、橙或少量莓類水果
化身專家教孕婦食西瓜
Gaile為食難忍口，佢中透露懷孕期間好鍾意食西瓜。雖然佢知道亞洲人都叫大家盡量唔好食生冷嘢，不過就話其實小心去控制係無問題。佢仲化身專家教大家西瓜細菌大多數殘留在表皮，最緊要係清洗表皮，咁就可以食得安全又健康。
方法：
將3：1份量的水與1白醋混合，裝入噴壺噴灑在西瓜表面，靜置幾分鐘，然後再用清水沖洗，之後就可以按照平時咁切開西瓜食用啦。
樂基兒晒圓潤身材露肚做瑜伽
樂基兒(Gaile)於社交網上載最新孕照，相中嘅Gaile身穿兩截健身衫，露肚喺戶外做孕婦瑜伽。懷孕20周的Gaile明顯見肚，作為名模的她努力做孕婦運動，務求Keep住身形，產後儘快修身。不過同其他大肚女星不同，Gaile似乎「肥胎又肥人」，手腳明顯圓潤不少！
Being gentle and soft as I wait patiently to meet my little one 🧡 #20weeks 📷 @actionhiro
A post shared by Gaile Lok (@gaileofficial) on Dec 19, 2018 at 4:29pm PST
不過，依然有唔少網民大讚佢：「性感媽咪」、「身材好正呀」，仲好有心咁提醒佢：「條褲對BB可能有啲緊呀」。
Creating space to move forward as one 💛 #happysundayeveryone 📷 @actionhiro
A post shared by Gaile Lok (@gaileofficial) on Mar 3, 2019 at 2:21am PST
【懷孕教室】
什麼是妊娠糖尿病
所謂的『妊娠糖尿病』，指的是懷孕前沒有糖尿病病史，但在懷孕時卻出現高血糖的現象，它的發生率約百分之二到三。
妊娠糖尿病指的是懷孕前沒有糖尿病病史，但在懷孕時卻出現高血糖的現象。
為什麼孕婦懷孕之後會出現糖尿病？
懷孕時，會隨著孕期的增加，為了提供胎兒的營養需求，產婦的身體會跟著出現一些變化，胎盤會分泌一些荷爾蒙，使得血糖升高，大多數孕婦身體能夠適時調節反應，產生更多的胰島素，以維持正常的血糖濃度。為了因應血糖的穩定，胰島素的需求量便會更加大，一旦身體對胰島素的阻力增加，或是體內胰島素的製造跟不上需求，血糖就會逐漸升高，尤其是懷孕後半段更常見，這種因為懷孕而出現的高血糖狀態，就稱為妊娠糖尿病。
哪些人是妊娠糖尿病的高危險群？
常見的像是
- 35歲以上的高齡產婦
- 家族成員有糖尿病史
- 前胎的懷孕期間曾有妊娠糖尿病
- 曾有流產、早產、胎兒先天畸形，胎死腹中，羊水過多，妊娠毒血症，巨嬰，生產損傷等不良產料史多次出現尿糖，肥胖，懷疑胎兒有過度成長…等等
通常懷孕媽媽們會在孕期24～28週時進行妊娠糖尿病篩檢，如果是高危險群更是應該要特別注意！
口服降血糖藥西藥或對胎兒產生不良影響？
妊娠糖尿病，不只是會對懷孕媽媽有影響，更會對媽媽和胎兒的健康都有重大傷害，所以，只要出現妊娠糖尿病的媽媽都應該要接受治療，但是，因為有不少的口服降血糖藥西藥對於胎兒有不良的影響(可能會有致畸胎危險)，所以，許多懷孕媽媽都會不知如何是好。
中醫治療妊娠糖尿病，是以調理身體為主，讓懷孕媽媽的胰島素分泌功能改善，並能減少胰島素抗性，又不會對胎兒有不良的影響，而且在調理的同時，又可以處理懷孕媽媽孕期的各種不舒服，是十分安全的選擇。
如果有相關問題，建議您要尋求專業醫師治療！（以上資料來源：蔡易昌中西醫師杏儒中醫 診所院長）