奪金球獎兩大獎項～《不得鳥小姐》想自己係特別卻又平凡～同媽媽關係緊張又互相在乎
可能部分人對《不得鳥小姐》呢套戲有少少陌生，但唔講唔知，原來呢套戲喺最近金球獎到拎咗兩個大獎，分別喺音樂及喜劇類獲得最佳影片同最佳女主角，同埋喺爛番茄網得到99％新鮮度，更喺今屆奧斯卡得到5個提名！到底呢套戲係講咩？
呢套戲係講一個平凡嘅女高中生，因為不甘平凡，所以幫自己改咗個新名「鳥小姐」。高中嘅最後一年就想離開一直住嘅家鄉，去紐約讀書。
個性同鳥小姐一樣硬頸嘅媽媽當然就大力反對，兩個人好似水火不容咁，但其實又好在乎大家，然後兩個人用好隱晦嘅方式去關心同重視對方。
關於青春叛逆嘅掙扎、愛情、友情、親情同學業受到嘅衝擊。
每個人都會想自己係特別嘅一個，當中《不得鳥小姐》嘅女主角亦係其中一個，但歌都有得唱，「自覺的不普通可會是平凡一種 未見得自命特別的一定更加出眾」所以可能會有朋友睇呢套戲嘅時候，會有少少共鳴～
香港2月22日上映～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載