跟家人食飯補祝生日　Anson Lo大鼻遺傳老竇

上月7日26歲生日的人氣男團MIRROR成員「教主」Anson Lo（盧瀚霆）終於有時間同家人食飯慶生，工作多到爆嘅佢，隔咗差唔多成個月先可以同家人食飯，Anson Lo將家庭照上載到社交網與「教徒」分享，Anson Lo同父母及家姐都相當似樣，特別係遺傳大鼻！其中Anson Lo同爸爸好似餅印一樣，一睇就知係兩父子！Anson Lo寫道：「遲來的補祝生日飯～今日早收工和我的可愛『教主』們吃飯，包括教母、教父、教姐（Amber在家等我）和一眾親戚們～家人永遠最重要！I love you all #生日當然要請家人食飯 #溫馨的一個晚上 #見字關懷一下你的家人吧」！

有網民就話要將Anson Lo嘅愛犬Amber都P到家庭合照中，雖然《大叔的愛》都播完一段時間，但有網民都想將隊友Edan（呂爵安）P埋入去，笑言佢哋係「一對」。上月Anson Lo生日，其粉絲「神徒」鋪天蓋地為其舉辦生日應援。除咗巴士車身、燈箱廣告等，仲包起一艘遊輪喺維港向教主祝賀，成為全城熱話。

東網網站 : https://on.cc/東網Facebook專頁 : https://www.facebook.com/onccnews/