香港估估吓：《義不容情》黃日華點解姓丁？

呢條問題嘅答案可以好簡單，因為劇中黃日華（丁有健）同溫紹倫（丁有康），佢哋阿爸都係姓丁囉（叫丁永祥，都係黃日華飾演）！

咪噓住，心水清嘅讀者或者都會發現，喺韋家輝監製嘅劇集入面，好多人姓丁，除咗《義不容情》嘅丁氏兄弟之外，仲有《大時代》入面丁蟹同佢四個仔，咁唔通韋家輝同姓丁嘅人有好特別嘅關係？

其實係因為當年未電腦化，劇本都係人手抄寫嘅！由於劇本要經常寫人名，主角個名喺劇本出現次數極高，因此筆劃愈少，就可以慳番好多時間啦！這是韋家輝在訪問中親口說的。

因此，除咗姓丁之外，《大時代》主角姓方，《馬場大亨》主角姓李，都係同樣道理，有理由相信，假如呢個世界有人姓一，應該好多角色都會採用一呢個姓。

除咗韋家輝，好多編劇都會選擇筆劃較少嘅姓，最經典例子，當然就係丁力，你話慳幾多工夫！