不少人最初聽到KFC x CROCS聯乘出炸雞鞋，都以為係得個講字，點知真係正式投產！（互聯網）不得不讚鞋面炸雞圖案印刷效果相當唔錯。（互聯網）定價60美元，一出即Sold Out，想買嚟儲吓依家起碼炒高50%，最少90美元先買到，買KFC炸雞要「食炒」可能係第一次。（互聯網）最過癮係鞋面兩件立體炸雞可以自由拆卸。（互聯網）鞋底採用KFC炸雞紙籃紅白雙色設計，左右腳鞋踭分別有「Kentucky Fried Chicken」字樣及肯德基創辦人Harland David Sanders肖像。今年2月發布合作消息時，分別有厚底版及普通版，但可惜前者無正式發售。（互聯網）2018年法國時裝品牌BALENCIAGA亦曾經與CROCS推出過超厚底聯名鞋款，被時裝迷「插」得體無完膚。（互聯網）洛杉磯潮牌PLEASURES曾經兩度與CROCS合作，推出Skeleton及Utopia Dystopia兩款聯名設計。（互聯網）今年4月，BEAMS繼去年後再度與CROCS聯名合作，推出兩個（各兩色）融入軍事及機能風格的鞋款，個人認為係有史以來最靚的「鱷魚鞋」，因為佢終於冇晒啲「窿窿」。（互聯網）