張智霖做衰人：係比較難啲！

型男張智霖（Chilam）以大反派形象「現身」甄子丹監製新戲《誤判》，台前幕後前晚正式煞科，結束約半年的拍攝期。談到今次與子丹合作，Chilam自言獲益良多：「今次真係慢工出細貨，所有鏡頭拍得好仔細。由於今次角色係衰人，有好多內心建設我要處理咗先，係比較難啲。」談到首次與子丹合作，Chilam表示：「平日大家飯敍就多，估唔到佢作為演員及監製，就變咗另一個人，合作完好欣賞佢嘅專業，對我嚟講都係次好好嘅經驗，對以後演戲會有好大嘅啟發。」

日前他與太太袁詠儀現身茶餐廳，被粉絲野生捕獲，合照後大讚二人率性隨意，不過Chilam持續以一頭白髮兼白鬚根露面，引起網民熱話，據悉這是他於《誤》片內的角色造型，隨着拍攝結束相信可見回「靚仔樣」。至於龍年即將到來，Chilam表示完成《誤》片拍攝便收爐，不過年初三便要復工，到澳門做騷與觀眾及粉絲齊度新歲。

東網網站 : https://on.cc/東網Facebook專頁 : https://www.facebook.com/onccnews/