巴塞主場告別佐迪艾巴同埋布斯基斯

巴塞隆拿主場3:0擊敗馬略卡西甲比賽，今場比賽係同球隊兩位傳奇球員西班牙🇪🇸中場布斯基斯同左閘佐迪艾巴告別，兩位傳奇球員係最後一次被換走之後，同一班隊友擊掌告別球迷🥲
布斯基斯就話「多謝大家，尤其係依家嘅隊友同埋咁多年以嚟陪我行過呢段旅程嘅球員、所有教練、工作人員、同我交流過嘅職員，我係呢度踢波絕對係我嘅榮幸，我仲想多謝球迷同屋企人，我好愛大家🥰。」
而佐迪艾巴就話「多謝大家係街道同魯營球場對我表達愛意。我著上呢件波衫令我覺得自豪，我無諗過大家咁熱情，能夠同布斯基斯做隊友係我嘅榮幸，因為你一直都係榜樣☺️。」